27 Бардыгы /

Бүгүн, 31-июль күнү Жалал-Абад шаарынын мэриясынын социалдык өнүгүү секторунун, шаардык эмгек, социалдык камсыздоо жана миграция башкармалыгынын үй-бүлө жана балдарды коргоо бөлүмүнүн жана шаардык ички иштер бөлүмүнүн жашы жете элек өспүрүмдөр менен иштөө инспекциясынын кызматкерлери тарабынан “Эмгек-өспүрүм” аталышындагы рейд өткөрүлдү.

Жалал-Абад шаардык мэриясынын маалымат борбору билдиргендей,

рейддин жүрүшүндө коомдук жайларда, соода-сатык жайларында, унаа жуучу жайларда, курулуштарда оор жумуш менен алектенген 20 дан ашуун өспүрүм аныкталып, жеринен түшүндүрүү иштери жүргүзүлүп, адистер тарабынан ата-энелерине айып пул салынды.

Аталган рейддин максаты – өспүрүмдөрдүн оор жумуштарга тартылуусуна, алардын психологиялык, физикалык жактан жабыр тартуусуна жол бербөө жана ар кандай кырсыктардын алдын алуу болуп саналат.