1,632 Бардыгы /

ФАРИДАБАД. Харьян штатынын Фаридабад шаарындагы кол өнөрчүлөрдүн Эл аралык отуз үчүнчү көргөзмө-жармаңкесине Кыргызстандын кол өнөрчүлөрү дагы активдүү катышып жатышат.

Бул Эл аралык көргөзмө-жармаңкеге Кыргызстандагы  «Балажан» республикалык окуу-усулдук эстетикалык борборунун тарбиялануучулары, Кыргызстан Аялдар Конгрессинин өкүлдөрү,«Гаухар» балдардын чыгармачыл жамаатынын жана комузчулардын «Акак» тобу абдан активдүү катышып жатышат. Ал эми «Арсланбоб» Кыргыз-Индийская компаниясы кургатылган жер-жемиштери жана баллы менен экинчи жылы өзүнүн дараметин сынап аткан чагы.

Ошентип, Суражкунд-Мела жыл сайын Жер шарынын миллиондон ашуун адамдарын топтоп, ар улуттардын каада-салтын, оокат-ашын жана музыкаларын бүт дүйнөгө даңазалайт. Ошондуктан, бул иш-чарага катышкан мамлекеттердин саны жыл сайын арбып баратат.

Баса, Кыргызстан былтыр Кол өнөрчүлөрдүн Эл аралык отуз үчүнчү «Сураджкунд Мела» көргөзмө-жармаңкесине өнөктөш катары кызмат кылган.

Алишер ТОКСОНБАЕВ, өз кабарчы