Өзбек басылмалары билдиргендей, мобилдик байланыш менен алектенген «Perfectum» компаниясы «Rubicon Wireless Communication» жоопкерчилиги чектелген коомуна таандык.

Ачык аукцион демпинг ыкмасы менен өтөт. Компаниянын баштапкы баасы – 205 млрд. сум. Аукцион 10-июнда башталат.

Май айынын башында «Гранд» жеке радиостанциясына ээлик кылган «EDEL VEYS-ALI» фирмасынын 100 пайыздык үлүшү сатыкка коюлган. Анын наркы 4,1 миллиард сумга (480 миң доллар) бааланган. Бул фирма дагы Гүлнара Каримованын мурдагы күйөөсү Рустам Каримовго тиешелүү экени айтылган.

Буга чейин Өзбекстандын Башкы прокуратурасы Гүлнара Каримованын жарандык никедеги күйөөсү Рустам Мадумаров Гүлнаранын бизнесиндеги коррупциялык схемаларга аралашканын жана 2014-жылы узак мөөнөткө түрмөгө кесилгенин маалымдаган.

Швеция прокуратурасы Рустам Мадумаровду Өзбекстан рыногуна кирүү үчүн пара алууда Гүлнара Каримова менен ири телекоммуникациялык компаниялар арасында ортомчулук кылууга айыптаган.