652 Бардыгы /

БИШКЕК. Быйылкы жети айда Кыргыз-Орус Өнүктүрүү Фонду  4,4 миллиард сомдук долбоорлорду каржылады. Мунун ичинен 2,7 миллиард сом аймактарга каржыланды. 2018-жылдын ушул эле мезгилине салыштырмалуу эки эсе көбөйгөндүгү байкалууда. Бул туурасында Кыргыз-Орусия Өнүктүрүү Фондунун  башкармалыгынын төрагасы Эркин Асрандиев билдирди.
Эркин Асрандиев баса белгилегендей, каржылоонун басымдуу бөлүгү аймактарга багытталууда, аймактарды өнүкүтүрүү саясатынын алкагында Талас, Нарын жана Баткен облустарында стартап- каржылоо боюнча өзүнчө программалар пилоттук тартипте ишке киргизилди.
– Мындан тышкары, аймактардын баарында жаңы иш баштаган ишкерлер үчүн стартап долбоорлорду каржылоо программасы башталды. Бул программа өзүнө окутууну дагы камтыйт. Окутуу иш-чаралары облустарда бүгүнтөн тартып башталды. Жалпысынан бул программа 2019-жылдын август-сентябрында жүзөгө ашырылат, — деп кошумчалады Кыргыз-Орусия Өнүктүрүү Фондунун  башкармалыгынын төрагасы Эркин Асрандиев.
Ага улай Эркин Асрандиев каржылоо шарттарын жеңилдетүү максатында кичи жана орто бизнестин субьектилерине пилоттук тартипте стартап-каржылоо боюнча программаларды киргизүү жана приоритеттүү багыттар боюнча сом менен берилүүчү насыялардын пайыздык чендерин 9 пайызга чейин төмөндөтүү чечими кабыл алынгандыгын баса белгиледи. Анын айтымында, бул чара жалпысынан өлкөбүздүн  ишкерлери үчүн насыялардын жеткиликтүүлүгүн жакшыртышы гана абзел!

Алишер ТОКСОНБАЕВ, өз кабарчы