2,082 Бардыгы /

Ала-Бука РИИБнин сунушу менен аялдар кеңешинин отуруму өткөрүлдү. Бул тууралуу Жалал-Абад ОИИБнин басма сөз кызматы маалымдады.

Маалыматка ылайык, жыйынга район акими Э.Абдыкадыров, прокуратура өкүлдөрү, 8 айыл өкмөттүн аялдар кеңештери, мектеп директорлору катышышкан. Милиция кызматкерлери 2020-жыл балдарды колдоо жылында өспүрүмдөргө ар тараптуу көмөк көрсөтүп, татыктуу кесип тандоодо аларга жардам берүү керектигин белгилешти. Жыйындын жүрүшүндө үй-бүлөлүк зордук-зомбулуктардын алдын алуу, жашы жете элек өспүрүмдөргө карата ырайымсыз мамилелерди болтурбоо сунуштары айтылып, кенен талкууга алынды.

Ушундай эле зордук-зомбулуктун алдын алууга багытталган иш-чара Сузакта дагы өткөрүлдү. Ага айыл өкмөт башчылары, айылдык кеңештин депутаттары, мектеп жана бала бакча директорлору катышышты. Жыйындын катышуучуларына мектеп окуучулары тарабынан атайын даярдалган видео роликтер, сахналаштырылган көрүнүштөр көрсөтүлдү. Сузак РИИБнин жашы жете электер менен иштөө инспекциясынын кызматкерлери зордук-зомбулуктун, кылмыштуулуктун алдын алууда коомчулукту милиция менен көмөктөшүүгө чакырышты.

“Аймак”