899 Бардыгы /

КАСТАМОНУ. Кыргыз Элчиси Кубанычбек Өмүралиев Туркиянын Кастамону шаарына сапарлады. Анын жүрүшүндө Кастамону аймагынын губернатору Яшар Карадениз менен дагы жолугушту.

Тараптар эки өлкөнүн ортосунда соода-экономикалык жана гуманитардык-маданий өз ара кызматташууну мындан ары кеңейтүү зарылдыгын баса белгилешти. Мындан тышкары Кастамону аймагында жашап жатышкан Кыргыз жарандарын коргоо маселелерин дагы орой-чарай талкуулашты. Кастамону шаарынын мэринин орун басары Нурай Чолак менен жолугушууда тараптар боордош Нарын жана Кастамону шаарларынын ортосундагы мамилелерди кайрадан калыбына келтирип, кызматташтыкты мындан ары ого бетер жандандыруу жаатында макулдашышты.  Ал эми Кыргыз Элчиси Кубанычбек Өмүралиев Кастамону Университетинин ректору Ахмет Топал менен жолугушуусунда Кастамону Университетинде билим алып жатышкан студенттердин маселелери менен биргеликте, жалпы эле билим берүү тармагы боюнча сүйлөшүүлөрдү дагы жүргүздү. Бул иш сапардын алкагында Кыргыз Элчси Кастамонудагы Соода-өнөр жай палатасынын (KATSO) Башкаруу Кеңешининмүчөлөрү менен кездешип, Кыргыз Республикасына инвестиция тартуу дарамети, бизнес жүргүзүү шарттары тууралуу баяндама жасады. Буга улай бизнес чөйрөсүнүн өкүлдөрүн дагы Кыргызстанга чакырды.

Андан ары Кыргыз Элчиси мекендештеринин укуктарын жана мыйзам алдындагы кызыкчылыктарын коргоо максатында Кастамону аймагынын Миграциялык бөлүмүн башчысы Эшреф Шахин менен дагы жолугушту. Анда Түркия Республикасында жашап жатышкан Кыргыз жарандарынын укуктарын жана кызыкчылыктарын коргоо, ошондой эле Түркияда жашаган чет өлкөлүк жарандардын укуктары, милдеттери жөнүндө кызуу талкуу жүрдү. Ошондой эле Түрк тарап Кыргыз жарандарынын суроолоруна ынандыраарлык жоопторду кайтарды.

МААЛЫМАТ ИРЕТИНДЕ: Кастамону шаары – Түркиянын түндүн бөлүгүндө жайланышкан Кастамону облусунун административдик борбору. Облустун калкынын саны 380 миң киши. Ал эми Кастамону шаарынын калкынын саны 117 миң. 2018-жылы Кастамону шаары Түрк дүйнөсүнүн маданий борбор шаары деп жарыяланган. Кастамону аймагынын экономикасы жыгач иштетүү өнөр жайына, айыл чарба, ички туризмге негизделген. Кастамону университети 2006-жылдын 1-мартындатүптөлгөн. 2019-2020-окуу жылында студенттердин саны 32 миңди түздү. Университетте 13 факультет, 2институт, 3 колледж, 13 кесиптик-техникалык окуу жайы жана 19 изилдөө жана колдонмо борборлору бар.

Алишер ТОКСОНБАЕВ, өз кабарчы