1,127 Бардыгы /

Ала-Бука районунда жеке ишкерлер менен укук коргоо кызматкерлеринин жолугушуусу болуп өттү. Анда ишкерлердин мыйзамдуу укуктарын коргоо жана ишкерлердин бизнести өнүктүрүүсүнө тоскоол болуп жаткан жагдайларды четтетүү боюнча кеңири сөз болду.

Райондо ишкерлердин ассоциациясы түзүлгөн, анда 37 ишкер мүчө болуп кирген. Андан сырткары район боюнча 13320 жеке ишкерлер иш жүргүзүп келет. Ишкердикти өнүктүрүү, андагы көйгөйлөр талкууланып, алардын мыйзамдуу укуктарын коргоо боюнча иштер жүргүзүлүп келет.

Ала-Бука районундук прокуратурасы ишкерлерди колдоо менен алардын мыйзамдуу укуктарын көзөмөлгө алып турат.

Жакында өткөн ишкерлер менен жолугушууга райондогу укук коргоо кызматкерлери алардын көйгөйлөрүн талкуулашты. Жыйынга катышкан акимдин орун басары бул жолугушуунун маани-манызына токтолуп өз оюн билдирди.

Укук коргоочулар билдиргендей өткөн жылда ишкерликке тоскоол болгон жагдайлар текшерилип 3 кызмат адамдарына чара көрүлгөн. Прокуратура тарабынан мыйзамсыз текшерүүлөр четке калгылып, токтотулган.

Абдымомун Калбаев, Ала-Бука району.