649 Бардыгы /

Ташкент шаарынын прокуратурасы Яккасарай районунда бактарды кыйган компанияга 1,89 миллиард сум (200 миң доллар) айып пул салды.

Көзөмөл орган бактарды кыюуга уруксат берген Яккасарай районунун акиминин орун басарына жана курулуш компаниясынын беш аткаминерине каршы кылмыш ишин козгоду.

Өзбекстандын Экология жана айлана-чөйрөнү коргоо комитети билдиргендей, “Building and supplies” курулуш компаниясы Юнус Ражабий көчөсүндөгү 81 бакты кыйган. Кыйылган бактардын ордуна компания көп кабаттуу турак жай курууну пландаган.

Комитет 21-февралда бактардын кыйылышы боюнча шаардык прокуратурага кайрылган. Эки күндөн кийин “Building and supplies” күнөөлүү деп табылып, 1 миллиард 891 300 сумга айып пулга жыгылган.

Учурда кыйылган бактардын ордуна жаңы көчөттөр отургузулду.

Өзбекстан президентинин жарлыгы менен 2019-жылдын 1-ноябрынан тарта 2020-жылдын 31-декабрынан чейин бак-дарактарды кыюуга мораторий жарыяланган.

www.