726 Бардыгы /

Шамалды-Сай шаарындагы үйдөн өрт чыкты. Бул тууралуу бүгүн, 14-декабрда ӨКМден кабарлашты.

Маалыматка караганда, кырсык шаардын Масалиев көчөсүндө болгон. Анын кесепетинен үйдүн 24 чарчы метр болгон 1 бөлмөсү, үй эмеректери жана буюмдары күйүп кетти.

Жалал-Абад шаарында Т.Тыныбеков атындагы облустук филармониянын бөлмөсүнүн 10 чарчы метр аянты жана үн жаздыруучу жабдыктар өрттөндү. Өрт электр зымдарынын чыңалуусунан улам чыккан.

Сузак районунун Калмак-Кырчын айылындагы үйдүн 60 чарчы метр чатыры толугу менен күйүп кетти.

Токтогул районунун Үч-Терек айылындагы үйдө 300 боо жүгөрү паясы жана 100 түк чөп өрттөндү.

Жалал-Абад шаарында «Манас» базардын аймагында жалпы аянты 28 чарчы метр болгон ашкана жана унаа тетиктерин сатуучу дүкөн толугу менен күйүп кетти.