1,365 Бардыгы /

Жалал-Абад шаардык ички иштер бөлүмү тарабынан өрт кырсыктарынын алдын алуу боюнча атайын иш-чара өткөрүлдү. Анын алкагында мэрия, экотехинспекция, ӨКМ кызматкерлери менен биргеликте шаар ичинде жайгашкан тамактануучу жайлардын, бала бакчалардын, мекеме-ишканалардын өрт кырсыгынын алдын алуу шарттары текшерүүгө алынды. Тиешелүү талаптар сакталбаган жайларга эскертүүлөр берилип, кетирилген кемчиликтерди жоюу талаптары коюлду. Бул тууралуу Жалал-Абад ОИИБдин Басма сөз кызматынан бирдиришти.

Ошондой эле милиция кызматкерлери жашы жете элек өспүрүмдөрдү бөөдө кырсыктан сак болууга чакырышты. Окуучуларга түшүндүрүү иштери жүргүзүлүп, өрт кырсыктары орун алган учурда коргонуу эрежелери жеткирилди. Коомдук жайларда жана өз үйлөрүндө электр шаймандарын колдонууда этият болуп, сөзсүз түрдө өчүрүлгөндүгүн текшерип, тилсиз жоонун алдын алуу керектиги айтылды.

“АЙМАК”