867 Бардыгы /

БАТКЕН. УКМКга караштуу Чек ара кызматынын Баткен облусу боюнча башкармалыгы чек арадан аткезчилик жолу менен жүк алып өтүү аракети жасалгандыгын ачыктады.

УКМКга караштуу Чек ара кызматынын басмса сөз кызматынан малымдашкандай, 14-октябрда Айдаркен чек ара отрядынын кызматкерлери Өзбекстандан мыйзамсыз жол менен 32 даана буржуйка-меш алып келе жаткан жаранды кармады. Ал эми 15-октябрь күнү Лейлек чек ара отрядынын кызматкерлери Mercedes Benz Sprinter автоунаасынын айдоочусун колго түшүрдү. 28 жаштагы кыргызстандык Тажикстанга 250 коробка шампунь алып өтүүгө аракеттенген. 16-октябрда Лейлек районунда 31 жаштагы кыргызстандык кармалды. Ал Тажикстанга 3 тонна тоңдурулган балык алып бара жаткан.

Ошентип, тиешелүү документтер толтурулган соң, кармалгандар менен жүктөр Кыргызстандын компетенттүү органдарына өткөрүлүп берилди.

Алишер ТОКСОНБАЕВ, өз кабарчы