945 Бардыгы /

          ОШ. Бишкек — Ош жолунун 645-чакырымында, тактап айтканда, Кара-Суу районунда Mercedes-Benz Sprinter жана Subaru Outback автоунаалары өз ара сүзүшүп, мунун кеспетинен он киши жабыркап, дагы бир жүргүнчү жеринде каза тапты.

          ӨКМдин маалыматына карганда,  кырсыктагандардын арасында балдар жана чет элдиктер дагы бар. Жабырлануучулардын арасында 31-25 жаштын ортосундагы беш эркек  киши бар. Булардын экөө – Өзбекстандын жарандары. Мындан тышкары 31 жаштагы аял, 18 жаштагы кыз жана 3, 5, 8 жаштагы балдар дагы түрдүү даражада жаралынышты. Булардын бардыгын куткаруучулар автоунаадан ыкчам алып чыгышып, тез жардам кызматкерлерине өткөрүп беришти. Ал эми 20 жаштагы жигит ошол жерден жан берди.

          Ушул тапта бул автокырсыктын чыныгы себептери такталып, анан дагы тыкыр иликтенүүдө.

Алишер ТОКСОНБАЕВ, өз кабарчы