1,497 Бардыгы /

         ОШ. Ош шаарындагы айтылуу “Кыргызстан” кинотеатрына атактуу куудул Рахман Разыковдун ысымы ыйгарылды. Бул туурасында Ош шаардык Кеңешинен маалымдашты.

         Ошентип, Ош шаардык Кеңешинин сессиясында “Кыргызстан” кинотеатрына куудул Рахман Разыковдун ысымына ыйгаруу сунушу демилгеленди. Анын жыйынтыгында 33 депутат макулдугун берип, 3 депутат каршы добушун бергендиги айгинеленди. Токтом толугу менен кабыл алынды.

         Куудул, сатирик Рахман Разыков 1955-жылы 12-майда Ош облусунун Кара-Суу районунун Савай айылында төрөлгөн. Кичинекей кезинде 3 мектеп которгон. 10-классына чейин аккордеондо ойноону үйрөнгөн. Студент кезинде бул өнөрү менен жетекчиликке чейин көтөрүлүп, “Таң жылдызы” деген топту негиздеген. Кийин “Бешилик”, “Беш кемпир” топторун түзгөн. Ал 2021-жылдын 7-июнунда 66 жаш курагында дүйнө салган.

         Алишер ТОКСОНБАЕВ, өз кабарчы