1,251 Бардыгы /

БИШКЕК. Кыргызстандын башкалаасындагы атактуу Sheraton мейманканасында Аялдар ишкердүүлүгүн өнүктүрүү жаатындагы «Демилгелүү Айымдар» Коалициясы ЭКСПО-2022 панелдик сессиясын өткөрдү. Анын жүрүшүндө Кыргызстандагы айымдар бизнес коомчулугу жана каржы-кредиттик мекемелер  менен дагы өз ара диалог курушту.

Ири каржы-кредиттик мекемелердин өкүлдөрү өздөрүнүн палан-программаларын сунушташып, Аялдар ишкердүүлүгүн кубаттоо жаатындагы сунуштарын дагы ачыкташты. Ал эми Аялдар ишкердүүлүгүн өнүктүрүү жаатындагы «Демилгелүү Айымдар» Коалициясы аталган иш-чаранын катушуучуларын өз ишмердүүлүгү менен кенен-чонон тааныштырып, Аялдар ишкердүүлүгүнүн Улуттук прогарммасынын артыкчылактарын жана рекомендацияларын, алардын каржы ресурстарына багыттарын дагы тартуулашты.

Айым ишкерлердин бул ЭКСПО-2022 панелдик сессиясы 2022-жылда аялдар ишкердүүлүгүн өнүктүрүүсүнө багыштап ЭКСПО-2022 көргөзмөсүн дагы уюштурду. Бул иш-чара «БУУ-Аялдар» Европада жана Борбор Азияда Аймактык кеңсеси тарабынан демилгеленди. Мунун максаты Кыргызстандагы жана Европадагы жана Борбор Азиядагы аял ишкерлердин укуктарын жана мүмкүнчүлүктөрүн кеңейтүү эле.

Баса, панелдик сессияга Кыргыз Республикасынын коммерциялык жана микрокредиттик мекемелери, өлкөнүн Кепилдик фонду жана Кыргыз Республикасынын кажы министрлиги спикер болушту. Заманбап иш-чарага Аялдар ишкердүүлүгүн өнүктүрүү жаатындагы «Демилгелүү Айымдар» Коалициясынын активдүү мүчөлөрү – бизнес бирикмелер. Бейөкмөт уюмдар, жеке сектор жана Кыргызстандын булуң-бурчунан чогулушкан 60 активдүү ишкерлер абдан активдүү катышышты. Булар Өндүрүш тармагын илгерилетип, ушуга улай айыл чарба продукциялдарын өндүрүшүп, мындан тшкары калкка түрдүү кызматтарды дагы үзгүлтүксүз көрсөтүп келатышат.

Аялдар ишкердүүлүгүн өнүктүрүү жаатындагы «Демилгелүү Айымдар» Коалициясы «Повестка женского предпринимательства в странах Центральной Азии: Казахстан, Кыргызстан, Таджикистан, Туркменистан и Узбекистан» Аймактык программасынын негизинде уюшулган. Бул аркылуу жергиликтүү айым ишкерлерге комплекстүү колдоо гана көрсөтүп, алардын экономикалык тармакка катышуусун дагы ого бетер активдештирет. Ушул эле Программанын алкагында Коалиция Кыргызстанда Аялдардын ишкердүүлүгүнүн Улуттук иш-чарасын дагы терең изилдеп-үйрөнүп, социалдык, мыйзамдык жана башка тоскоолдуктарды четтеткенге токтоосуз жардамдашат. Жеке сектор менен Кыргыз Өкмөтүнүн ортосундагы диалогду уюштурат.

Алишер ТОКСОНБАЕВ, өз кабарчы