903 Бардыгы /

ЖАЛАЛ-АБАД. Бүгүн 17-январда ИИМдин Атайын багыттагы полкунун (АБП) түзүлгөндүгүнүн 9 жылдыгы Жалал-Абадда салтанаттуу түрдө белгиленди.

Жалал-Абад ОИИБдин басма сөз кызматы билдиргендей,

салтанаттуу иш-чарага Жалал-Абад ОИИБдин начальниги, милициянын полковниги Жеңишбек Абитов, ИИМдин АБПнын Жалал-Абад шаарындагы өзүнчө ротасынын командири, милициянын полковниги Равшанбек Кожобеков, спецназдын ардагерлери жана чакырылган коноктор катышышты.

АБПнын түзүлгөн күнүнө карата кылмыштуулуктун алдын алдын алууда кошкон салымдары үчүн бир катар кызматкерлер жана ички иштер органдарынын ардагерлери медаль, ардак грамоталар менен сыйланышты. ОИИБдин начальниги Жеңишбек Абитов спецназ кызматкерлерин кесиптик күнү менен куттуктап, коомдук тартипти камсыздоодо жана кылмышкерлер менен күрөшүүдө орду чоң экендигин белгиледи. Өздүк курам арасындагы жоготуулар болбой, иштеринде ийгиликтер коштоп жүрүүсүнө тилектештигин айтып өттү.Соңунда кызматтык милдетин ак ниеттүүлүк менен аткарууда курман болгон кызматкерлердинжана арабызда иштеп көзү өткөн кесиптеш, куралдаштардын жаркын элесине багышталып куран окулду.