1,047 Бардыгы /

          ОШ. Кыргызстандын Түштүк башкалаасында алдыдагы кышка камылга көрүү боюнча шаардык штабдын жыйыны өткөрүлдү. Анда Ош шаарынын мэри Бактыбек Жетигенов сбыйылкы кышта электр энергиясына өтө көп күч келген маалда жарыкты пайдаланууга чектөө киргизилиши ыкмымалдагын катуу эскертти.

          Ош шаарынын муниципалитетинен маалымдашкандай, 2023-2024-жылдардын жылытуу мезгилине даярдык көрүү боюнча шаардык штабдын жыйынында энергетиктер, коммуналдык кызматтардын жетекчилери кышка камылга туурасынеда маалымат беришти. Ош шаарынын вице-мэри Сонунбек Жунусбаев көп кабатту үйлөрдү кышка даярдоо зарылчылыгы тууралуу түшүндүрүү иштерин күчөтүүгө тапшырма берген эле.

          Ошентип, алдыдагы кышта Ош шаарында электр энергиясын колдонууда кылдат мамиле кылуу, жылуулук үчүн альтернативдүү энергия булактарын (көмүр) пайдалануу зарылчылыгы баса белгиленди. Эскерте кетчү жагдай: электр энергиясы менен камсыз кылуучу ишканалардын маалыматы боюнча, кыш мезгилинде өтө көп күч келген учурда электр энергиясына чектөө киргизилиши толук ыктымал.

          Алишер ТОКСОНБАЕВ, өз кабарчы