Аймак

ТОГУЗ-ТОРО АЙЫЛ АЙМАГЫНДА ЭКИ КИЧИ ФУТБОЛ АЯНТЧА АЧЫЛДЫ

ТОГУЗ-ТОРО АЙЫЛ АЙМАГЫНДА ЭКИ КИЧИ ФУТБОЛ АЯНТЧА АЧЫЛДЫ

 495 Бардыгы /

ЖАЛАЛ-АБАД. Тогуз-Торо районундагы Тогуз-Торо айыл аймагынын Ленин айылынын Иманберди уулу Иса атындагы №4 жалпы билим берүү орто мектебинде кичи футбол аянтча пайдаланууга берилди.

Салтанаттуу ачылышка район акими Манас Мураталиев, айыл өкмөт башчысы Темирбек Арун уулу, айылдык кеңештин депутаттары, мугалимдер жана окуучулар катышты. Район акими Манас Мураталиев: “Бүгүнкү күндө Ленин жана Дөдөмөл айылдарында ачылып жаткан спорт аянтчалары айыл эли, жаштар үчүн пайдалуу болуусун каалап, аны курууга салым кошкондорго ыраазычылык билдирилди”.

Ленин айылынын Иманберди уулу Иса атындагы №4 жалпы билим берүү орто мектебинде кичи футбол аянтчасынын курулуш иштери ушул жылдын июнь айында башталып, жергиликтүү бюджеттен 257 миң сом каралып, жаштардын демөөрчүлүгү менен 190 миң сом жыйналган, дем берүүчү гранттын эсебинен 2 млн 670 миң сом бөлүнгөн. Ал эми Дөдөмөл айылындагы Азамат уулу Калдыбай атындагы №10 жалпы берүү орто мектебинин кичи футболдук аянтчасынын жалпы наркы 3 млн сомду түзүп, жергиликтүү бюджеттен 406 миң сом каралып, бүгүнкү күнү заманбап футбол аянтчанын курулушу толук бүтүп, ишке берилди.

Айыл эли жаштардын ушундай заманбап футбол аянтчасына муктаж болуп келгенин айтышып, жаңы өсүп келе жаткан командалык оюнчулар үчүн жакшы жышаан, балдар бош убактысын ушул жерде өткөрүп спорт аянтчасына көмөктөшкөн жергиликтүү бийлик өкүлдөрүнө жана демөөрчүлөргө ыраазычылыктарын билдиришти.Элиза АКЖОЛТОЕВА, Тогуз-Торо району

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17