471 Бардыгы /

          Жогорку Кеңештин Агрардык саясат, суу ресурстары, экология жана регионалдык өнүктүрүү боюнча комитетинин отурумунда “Өндүрүш жана керектөө калдыктары жөнүндө” жана “Айлана-чөйрөнү коргоо жөнүндө” Кыргыз Республикасынын мыйзамдарынын аткарылышын көзөмөлдөөнү жүзөгө ашыруу боюнча жумушчу топ түзүү жөнүндө маселе катуу каралды.

          Парламенттен билдиришкендей, Жогорку Кеңеш депутаты Замирбек Мамасадыков бул багытта баяндама жасап, орчундуу көйгөйлөргө баса токтолду. Эл өкүлү Таш-Көмүр шаарындагы “Кристалл” заводунун уу калдыктар сакталган жайында жарылуу коркунучу жаралып, эгерде калдык сактоочу жай жарылып кете, аталган чөлкөмгө чоң коркунуч келе тургандыгын баса белгиледи.

• Иши токтоп калган “Кристалл” заводунда жалпысынан 80 тонна уу

калдык (хлорид, трихлорсилан, тетрахлорид) сакталып турат. Мындай заттар көзгө көрүнбөйт, газ түрүндө болот. Билинбей жүрүп адамдын өмүрүн дагы алат. Бул маселе аймактын коопсуздугу үчүн өтө маанилүү! – деп чырылдады Жогорку Кеңеш депутаты Замирбек Мамасадыков.

          Буга улай парламентарий Замирбек Мамасадыков Жалал-Абад облусуна караштуу Таш-Көмүр шаарынын аймагында таза суу жана саркынды суу көйгөйлөрү курч тургандыгын кошумчалады. Ошондой эле Өзбекстан менен чек аралаш аймакта жайланышкан таштанды таштоочу жайдын жана аны кайра иштетүүчү заводдун иши Достук, Үч-Коргон айылдарына жана дагы Шамалды-Сай шаарчасына орду толгус зыянын тийгизип жаткандыгына кеңири токтолуп, жогорудагы маселелерди иликтөө      Талкуу маалында Жогорку Кеңеш депутаттары Султанбай Айжигитов, Нурбек Алымбеков жогорудагы көйгөйдүн өтө актуалдуулугун эске алып, кызуу кубатташты. Ал эми комитет төрагасы Аманкан Кенжебаев Таш-Көмүрдөгү «Кристалл» заводунун айланасындагы маселени кароо боюнча министрлер кабинетинде жумушчу топ түзүлгөндүгүн баса белгилеп, «Экинчи комиссия түзүү зарылчылыгы барбы» деп маселени абаргасынан койду.

          Соңунда Жаратылыш ресурстары, экология жана техникалык көзөмөл министрлигинин экологиялык жана техникалык көзөмөл кызматынын директорунун орун басары Бекжан Султангазиев министрлер кабинети тарабынан түзүлгөн комиссия «Кристалл» заводундагы жагдайды териштирип, Орусия менен уу калдыктарды зыянсыздандыруу маселеси сүйлөшүлүп жаткандыгын шарданы кылды. Жыйынтыгында комитет аталган маселелерди иликтөө боюнча жумушчу топ түзүүнү кубаттады.

Алишер  ТОКСОНБАЕВ, өз кабарчы