1,341 Бардыгы /

          БАТКЕН. Баткен шаарында Кыргыз-Тажик мамлекеттик чек арасын делимитациялоо жана демаркациялоо боюнча эки өлкөнүн өкмөттүк делегацияларынын топографиялык жумушчу топторунун кезектеги жолугушуусу жыйынтыкталды.  

          Ошентип, эки өлкөнүн өкүлдөрү тактала элек тилкелердеги чек ара сызыктары боюнча кенен-чонон пикир алмашып, кийинки жолугушууну Тажикстандын аймагында өткөрүүнү дагы макулдашышты. Расмий сүйлөшүүгө Кыргыз тараптан Министрлер кабинетинин чек ара маселелери боюнча атайын Өкүлү Назирбек Бөрүбаев баштаган делегация катышты. Кыргызстан төрт мамлекет менен чектешет. Казактан жана Кытай менен чек ара тилкелери такталып бүткөн. Өзбекстан менен 95 пайызга жакыны дээрлик такталган. Тажикстан менен сүйлөшүүлөр 2002-жылы башталган, ортодогу чек аранын 60 пайызга жакыны аныкталган.

          2021-жылдын жазында Баткенде Кыргыз-Тажик чек арасындагы куралдуу кагылышта 36 кыргызстандык курман болгон, үйлөр, социалдык объектилер дагы жарактан чыккан. Тажикстан 19 жараны каза тапкандыгын билдирген. Эки өлкө бирин бири айыптап, а түгүл кылмыш иштерин дагы козгошкон. Кийин сүйлөшүүлөр улантылып, өз ара эки тараптуу жыйындарды пландуу негизде өткөрүп туруу макулдашылган.

Алишер ТОКСОНБАЕВ, өз кабарчы