468 Бардыгы /

          ЖАЛАЛ-АБАД. Төө-Ашуу жана Өтмөк ашууларында автоунаа жолдорун кардан тазалоо иштери абдан кызуу улантылууда. Бул туурасында Транспорт жана жол министрлигинен билдиришти.

          Маалыматка караганда, Бишкек-Ош автоунаа жолундагы Төө-Ашуу ашуусунда жол жааган кардан тазаланып, кум-туз аралашмасын себилүүдө. Ушундай эле тазалоо жараяны Суусамыр-Талас-Тараз унаа жолундагы Өтмөк ашуусунда дагы кызуу жүргүзүлүүдө. Бирок, автоунаа эч кандай кыймылына чектөөлөр жок!

          Белгилей кетчү жагдай: буга дейре синоптиктер үстүбүздөгү жылдын 20-22-сентябрында өлкөбүздүн аймагында аба ырайы кескин түрдө өзгөрүп, ал эми 20-сентябрда көпчүлүк аймактарда жаан жаап, айрым жерлерде катуу жаашы, күн күркүрөшү, мындан тышкары тоолуу райондордо кар жаашы күтүлөрүн дагы маалымдаган эле.

          Алишер ТОКСОНБАЕВ, өз кабарчы