27 Бардыгы /

Борбор Азиядагы жана Кыргызстандагы эң ири «Достук» чек ара бекетинде кезек күткөндөрдүн саны ого бетер калыңдады. УКМКга караштуу Мамлекеттик Чек ара кызматынын маалыматына таянсак, күн сайын бул жер аркылуу 18 жана 26 миңдеген кишилер каттап жатышат. А аталган чек ара бекети күн сайын 16 400 кишини гана тейлегенге ылайыкташкан.

Ошого карабастан Кыргыз Чек арачылары штаттык режимде гана иштеп жатат. Жемкорлукка бөгөт коюу максатында бекеттеги видеокамералар орнотулган. Мындан тышкары маалымат тактайчалары такай калк кызматында. Ошол эле жерде ишеним телефондору жана дагы УКМКга караштуу Мамлекеттик Чек ара кызматынын жетекчилеринин түз телефондору көрсөтүлгөн. Анан калса, бардык кайрылуулар ыкчам иликтенип, айыптууларга мыйзам чегинде катаал чаралар дагы көрүлүп турат.

Ушул тапта Ош облусунун Кара-Суу районундагы «Достук» чек ара бекетиндегидей эле жайлар Жалал-Абад облусундагы “Маданият”, “Баймак”, Баткен облусунун “Кызыл-Кыя”, “Кадамжай”, “Кайтпас”, “Ак-Кыя”, “Өтүкчү” жана “Чечме” тилкесинде дагы күнү-түнү иштеп жаткан чагы.

Алишер ТОКСОНБАЕВ өз кабарчы