1,080 Бардыгы /

БАТКЕН. Баткен облусунун район-шаарларында “Өз ара жардамдашуу мезгили” аталышындагы конференция ишин аяктады.  Иш-чара буга дейре Исфана, Сүлүктү, Баткен шаарларында өткөрүлсө, эми минтип Кызыл-Кыя шаарында гана соңуна чыгарылды.

• Айымдардын активдүүлүгүн жогорулатып, дараметин жогорулатуу

максатында уюштурулган конференциянын катышуучулары тарабынан Баткен облусун органикалык сонун аймакка айлантуу, ар бир үйдө калифорния сөөлжанын багуу менен органикалык жер семирткичти өндүрүү демилгеси колго алынып жатат. Калифорния сөөлжаны түшүмдү кескин түрдө  жогорулатып, экологиялык таза органикалык жер-жемиштерди өндүрүүгө гана өбөлгө жаратат. Биогумус күчүн жоготкон жерди толугу менен кайрадан азыктандырып, калыбына келтирип, түшүмдүүлүктү дагы жогорулатат , – дейт  тажрыйбалуу агроном, акыркы жылдарда калифорния сөөлжанын багып, биогумус өндүргөн Райхан Салиева.

         Ушундан улам Кыргыз Өкмөтүнүн Баткен облусундагы ыйгарым укуктуу Өкүлүнүн орун басары Чынара Саттарова биогумус өндүрүү бизнеси айыл жергеси үчүн абдан ыңгайлуу, өзгөчө аялдар үчүн, анткени, үй шартында, аз акча менен баштап, көп киреше алса болоорун кыйытып, ар бир Айыл Өкмөт башчысына бул демилгени колго алуу аркасында аймактын социалдык-экономикалык абалын жакшыртуу, химиялык жер семирткичтен, органикага өтүү менен, аялдардын ишкердигин колдоо тапшырмасын берди.

Чынара Саттарова аталган конференциянын алкагында, айымдарга  “Керемет жашоонун жана ийгиликтин сырлары” аттуу сабак дагы өтүп,  көпчүлүк учурда ак жолукчандар коомдогу социалдык көйгөйлөргө дуушар болушааарын, бул жагдайда аялдардын экономикалык деңгээлин көтөрүү ыкмасы гана кырдаалдан ыкам чыгууга жардам берээрин белгиледи.  Ошондуктан, ак жоолукчандардын ишкердик менен алектенүүсүнө, алардын экономикалык деңгээлин көтөрүү, инсандык,  руханий, кесиптик жөндөмүн жогорулатуу, тажрыйба жана билим алмашуу аракеттери зор өбөлгө болоорун кошумчалады.

“Өз ара жардамдашуу мезгили” аталышындагы конференциянын негизги максаты – аялдардын ишкердигин илгерилетүү, алардын экономикалык деңгээлин, ошондой эле  руханий, инсандык, кесиптик өнүгүүсүн жогорулатуу.

Алишер ТОКСОНБАЕВ “АЙМАК”