1,065 Бардыгы /

БИШКЕК. Премьер-министр Улукбек Марипов кол койгон буйрукка ылайык Бакытбек Марипов Ош облусуна караштуу Ноокат районунун акиминин кызматынан бошотулду.

Айтмакчы, бул Улукбек Мариповдун Кыргыз Республикасынын премьер-министри кызматындагы эң алгачкыбуйруктарынын бири. Анткени, бул чечим Кыргыз Республикасынын Конституциясынын 89-беренесинин 7-пунктуна ылайык кызыкчылыктардын кагылышын жокко чыгаруу максатында гана кабыл алынды.  Себеби Бакытбек Марипов -учурдагы Өкмөт башчынын бир тууган иниси. Мыйзамга ылайык, жергиликтүү бийлик органдары аткаруу бийлигинин бир бөлүгү болуп саналат жана түздөн-түз премьер-министрге баш ийет.

Белгилей кетчү жагдай: Президент Садыр Жапаровдун «Мамлекеттик кадр саясаты жөнүндө» Жарлыгынын негизги багыттарынын бири катары жарандардын мамлекеттик жана муниципалдык кызматка бирдей жеткиликтүүлүгүн камсыз кылууга шарт түзүү жана кадрдык маселелерди чечүүдө коррупциялык тобокелчиликтерди төмөндөтүү болуп саналат.

Алишер ТОКСОНБАЕВ “АЙМАК”