1,023 Бардыгы /

БАТКЕН.  19-июндан 20-июнга каранан түнү Баткен облусунун Кызыл-Кыя шаарында 27 турак жай жана 4 социалдык обьект сел калдыктарынан тазаланды. Бул жөнүндө Өзгөчө кырдаалдар министрлигинен билдиришти.

Буга улай 19-июнда 36 турак үй тазаланып, жалпысынан 1020м3 сел калдыктары чыгарылды. Тазалоо иштерине Өзгөчө кырдаалдар министрлигинин 106 куткаруучусу жана дагы 9 техника тартылып, калган турак үй жана социалдык обьектилерде селден кийинки тазалоо жана калыбына келтирүү жараяны кызуу жүргүзүлүүдө. Ушул тапта келтирилген чыгымдар боюнча жарандык коргонуу комиссиясы тактоо иштерин улантууда.

Эске салаарыбыз: ушул жылдын 18-июнь күнү нөшөрлөп төккөн жаандын кесепетинен жаралган кырдаалга байланыштуу, Кызыл-Кыя шаарында «Өзгөчө кырдаал» режими киргизилген.

Алишер ТОКСОНБАЕВ, өз кабарчы