1,551 Бардыгы /

БАТКЕН. Кыргыз Республикасынын Президентинин Баткен облусундагы ыйгарым укуктуу Өкүлү Абдыкарим Алимбаев жана Тажикстандын Согдий облусунун башчысы Раджаббой Ахмадзода чек арадагы чырды жөнгө салуу боюнча телефон аркылуу сүйлөшүштү.

Белгилей кетээрибиз: кечээ, 14-сентябрда Баткен районунун Булак-Башы жергесинде курал колдонуу менен Кыргызстан жана Тажикстандын чек арачыларынын ортосунда чыр тутанган. Кыргыз Республикасынын Президентинин Баткен облусундагы ыйгарым укуктуу Өкүлчүлүгүнөн маалымдашкандай, эки тараптын Чек ара кызматынын өкүлдөрү чыр-чатак чыккан убакыттан баштап байланышып, жолугуп окуя болгон жерде туруктуу иш алып барышты.

Ушул тапта ок атышуу ээрлик токтогон. Чек ара кызматынын берген маалыматы боюнча жаракат алгандар жок. Калган аймакта дагы акыбал тынч бойдон.

Алишер ТОКСОНБАЕВ, өз кабарчы