786 Бардыгы /

ЖАЛАЛ-АБАД. К.Ш. Токтомаматов атындагы Эл аралык университеттин эл аралык медициналык колледжинин студенттери жана окутуучулары 3–декабрь – Майыптардын эл аралык күнүнө карата Жалал-Абаддагы балдардын психоневрологиялык социалдык стационардык мекемесине барып жардам көрсөтүштү.

К.Ш. Токтомаматов атындагы Эл аралык университетининКесиптик багыт берүү & коомчулук менен байланыштар кызматы билдиргендей,

аталган окуу жайдын эл аралык медициналык колледжинин студенттери жана окутуучулары 3–декабрь – Майыптардын эл аралык күнүнө арналган иш-чаралардын алкагында Жалал-Абаддагы балдардын психоневрологиялык социалдык стационардык мекемесине барып, 8 миң сомдук кир жуучу каражаттар түрүндө жардам көрсөтүшүп, ал жерде каралган балдар үчүн концерттик номерлерди уюштурушту. 1-декабрда ЭАУнун ректораты Кыргыз азиздер жана дүлөйлөр коомуна 5 миң сом акчалай жардам көрсөттү. ЭАУнун студенттери жана окутуучулары аталган мекемелердин жетекчилигинин алкыштарына арзышты.

Белгилей кетсек, ЭАУ жыл сайын мындай мекемелерге, мүмкүнчүлүгү чектелген адамдарга жардам көрсөтүү боюнча иш-чараларга активдүү катышып келет.