21 Бардыгы /

Баткен облусуна караштуу Лейлек районунун Кулунду кыштагында Кыргыз Республикасынын Мамлекеттик чек ара кызматынын төрагасы, генарал-майор Абдикарим Алимбаевдин жетекчилигинде чек ара коопсуздугун талкуулаган жумушчу кеңешме өткөрүлдү.

Аталган кеңешменин борборунда Кыргыз-Тажик чек ара тилкесин инженердик жактан жабдуу, аткезчилик ишмердүүлүккө каршы иш-чаралар жана дагы дүйнөлүк саясий кырдаалга анализдөө бекем турду. Ошондуктан, бул маанилүү иш-чарага Баткен облусуна караштуу Лейлек районунун акими Жеңишбек Асылбек, аскердик бөлүктөрдүн, чек ара отряддарынын жетекчи курамы жана дагы жергиликтүү укук коргоо, ошондой эле күч органдарынын жетекчи курамы катышышты.

Ошентип, аймактагы чек ара коопсуздугун талкуулаган жумушчу кеңешменин жыйынтыгында Мамлекеттик чек араны такай коргоодо күч жана инженердик кубаттуулукту күчөтүү, алдын алуу чараларын ого бетер жогорулатуу, ошондой эле чек ара бөлүктөрүнүн өз ара ыкчам маалымат алмашуусу жаатында олуттуу тапшырмалар дагы берилди. Кыскасы, Кыргыз Республикасынын Мамлекеттик чек ара кызматы мамлекеттик чек араны ишенимдүү коргоп жана Кыргыз жарандарынын коопсуздугун такай камсыз эте бермекчи.

Алишер ТОКСОНБАЕВ, өз кабарчы