9 Бардыгы /

ЭЛ АРАЛЫК ТРАНСУЛУТТУК МАҢЗАТ ТОБУНУН КЫЛМЫШТУУ ИШМЕРДИГИНЕ БӨГӨТ КОЮЛДУ

Кыргыз Республикасынын УКМКсы 2025-жылдын башынан тартып маңзаттарды өндүрүүгө жана андан ары жайылтууга каршы күрөшүү боюнча пландык иш-чаралардын алкагында синтетиканы өзгөчө ири өлчөмдө сатууга акыры бөгөт койду.

Ошентип, мыйзамсыз жүгүртүүдөн 44 кило 420 грамм синтетикалык маңгизат алынып, бул өңүттө шектүү 7 Кыргыз жараны кармалып, ушуга улай 3 нарколаборатория дагы аныкталды. Кармалган маңзаттардын базар баасы 266 миллион 520 миң сомду, бшкача айтканда, 3 миллион АКШ долларын түзөт. (Бул маңзаттын 1 граммы эле – 6000 сом). Синтетикалык маңзаттар чөйрөсүндөгү кылмыштарды талдоо көрсөткөндөй, бул мыйзамсыз ишке 30 жашка чейинки жаштар гана активдүү катышып жатышат. Ушуга байланыштуу Кыргыз Республикасынын УКМКсы менчигинин түрүнө карабастан жарандарды жана уюмдарды маңзатка байланышкан кылмыштардын алдын алуу максатында жаштар арасында түшүндүрүү жана ынандыруу жараянын мындан ары активдүү жүргүзүүгө чакырат.

Эске салчуу жагдай: маңзат каражаттарын, психотроптук заттарды, же алардын аналогдорун мыйзамсыз сатып алуу, сактоо, ташуу, даярдоо, же жөнөтүү  боюнча  Кыргыз Республикасынын Кылмыш-Жаза кодексинин 282-беренесине ылайык кылмыш жоопкерчилигине токтоосуз түрдө тартылат жана мал-мүлкүн конфискациялоо менен 5 жылдан 15 жылга чейин эркинен ажыратылат.

Алишер ТОКСОНБАЕВ, өз кабарчы