900 Бардыгы /

КР Өкмөтүнүн Жалал-Абад областындагы ыйгарым укуктуу өкүлү Нурболот Мирзахмедов областтык клиникалык оорукананын абалы менен таанышты.

Анда алгач облус башчы пайдаланууга берилүү алдында турган, өлкө боюнча биринчи жолу пилоттук долбоор менен курулган ыкчам медициналык жардам көрсөтүү бөлүмүндө болду.

Аталган бөлүм заманбап, акыркы үлгүдөгү медициналык аппараттар менен камсыздалууда. Анда 8 койка жайгаштырылат, ишке берилген соң бир суткада 60 ка чукул бейтапты кабыл алып тиешелүү бөлүмдөргө жайгаштырат.

Капиталдык курулуш тарабынан курулган ыкчам медициналык жардам көрсөтүү бөлүмү Германия өнүктүрүү банкы тарабынан каржыланып, жалпы 3 млн евро жумшалган.

Өкүл областтык клиникада кулак-мурун, көз ооруларын дарылоо, урология жана гистологиялык ткандарды изилдөө лабараториясын камтыган 100 койка менен камсыздалуучу жаңы имараттын курулушу менен да таанышты. Курулуш капиталдык салымдардын каржылоосунда 77 млн. 350 миң сом менен камсыздалып, 2020-жылдын күз айларына аяктоо божомолдонууда.

Андан соң областтык клиникага болгон  кыдыруусунун алкагында төрөт бөлүмүнөн да кабар алды. Эне-балага болгон медициналык тейлөө жагына көңүл бурулуп, бейтаптар жакшы тейленүүсү керектигин баса белгиледи.

“Аймак”