588 Бардыгы /

«АКШ адатынча Борбор Азияга кирүүгө абдан аракет кылууда». Бул туурасында Орусиянын тышкы иштер министри Сергей Лавров КМШнын тышкы иштер министрлеринин Бишкек шаарындагы жолугушуусунда шардана кылып, Орусия ТИМинин башчысы стратегиялык жактан алганда Батыштын иши мындан ары оңолбой тургандыгына ишенээрин дагы билдирди.

          Орусиянын тышкы иштер министри Сергей Лавров «Шериктештиктин өлкөлөрүнүн ишине тышкы күчтөрдүн кийлигишүүсү боюнча талкууландыбы?» деген суроо узатылган. Анда Орнусиянын башкы дипломаты АКШ жана анын сателлит мамлекеттери КМШнын бардык аймактарына кирүүгө, ошондой эле Түштүк Кавказдагы кырдаалды жакшыртуу боюнча келишимди бузууга дагы катуу аракет кылып жатышкандыгын ачыктады. Орусия министри АКШ Армения менен Азербайжандын ортосунда Орусиянын жардамы аркасында  жетишилген келишимдердин ишке ашуусуна жол бергиси келбейт, алар Борбор Азияга кирип кетүүгө аракет кылып, ачык эле Орусияга каршы багытталган форматтарды түптөп жаткандыгын дагы баса белгиледи.

          – Ачык эле «Биз постсоветтик мейкиндиктеги өлкөлөрдүн чыныгы көз карандысыздыгын камсыз кылышыбыз керек, алар Орусиянын көлөкөсүнөн чыгышы керек!» – дешип айтылууда. Ушундай эле мамиле Молдова жана башка аймактарга карата жасалып жатат. Биздин союздаштарыбыз жана стратегиялык өнөктөштөрүбүз күчтүү кысымга кабылды. Алар КМШ, ЖККУ, ЕАЭБ жана Шанхай кызматташтыкуюмунун алкагындагы кызматташуунун бардык негизги принциптерин жакташат, — деди Орусиянын тышкы иштер министри Сергей Лавров.

          Орусиянын ТИМ башчысы Сергей Лавров стратегиялык жактан алганда Батыштын иши таптакыр оңолбой тургандыгына ишенээрин дагы жашырган жок: – Алар, америкалыктар, опузалоо, ультиматум жана коркутуу аркылуу КМШнын алкагында кызматташтыкты өнүктүрүүгө тоскоол болгон аракеттерди жасашат. Бирок, бул бир жолку жагдайлар, алар Батыш диктатурасынан кутулуудагы жалпы иштерди токтото албайт!

          Улуу державанын дасыккан тышкы иштер министринин бул сөзүнөн кийин Кыргыз Республикасынын жетекчилиги бир жаңсыл чечим чыгарышаар бекен?

Алишер  ТОКСОНБАЕВ, өз кабарчы