663 Бардыгы /

          Жогорку Сот Кыргызстандын Түштүк баш калаасындагы  «Манас-Ата» кафесин биротоло жабуу боюнча чечимин жарыялады. Жогорку Соттун маалымат кызматынан билдиришкендей, Жогорку Сот биринчи жана экинчи инстанциядагы соттун чечимдерин өз күчүндө гана калтырды.

          Маалыматка караганда, Ош шаардык сотунун 2023-жылдын 5-июлундагы чечими жана Ош облустук сотунун жарандык жана экономикалык иштер боюнча соттук коллегиясынын 2023-жылдын 27–сентябрындагы аныктамасы толук кандуу күчүндө калтырылды. Баса, буга дейре Ош шаарындагы «Манас-Ата» кафесинин ээлери Жогорку Сотко кайрылышкан. Бирок, Фемида алардын даттануусун канаттандырган эмес!

          Тескерисинче, Жогорку Сот  «Манас-Ата» кафесинин эээлери Юлдашбай Нематовго жана Гүлжан Исаковага коомдук тамактануучу жайын өздөрүнүн эсебинен толук  бойдон буздуруп, анан дагы имаратты адепки калыбына келтирүү жагын катуу милдеттендирди.

Алишер ТОКСОНБАЕВ, өз кабарчы